Tailerrak eta Elkarguneak
2021


Antolatzen ditugun tailerretan, orohar, genero desberdintasunak ikuspuntu didaktiko batez lantzen ditugu, non begirada feminista garatzen dugun norbanako eta taldeko ahalduntzea lortzeko.


ELKARGUNEAK

Talde hauek ikasturte osoan zehar elkartzen dira eta
gehienak irekiak mantentzen dira parte hatzaile berrientzat.


AHOLKULARITZA, LAGUNTZA TALDEA

Formatzailea: Maider Andonegi


DESKRIBAPENA

Talde gune bat, bakarka nahiz gizarte aldetik egoera bereziki zaurgarrian dauden emakumeentzat. Gogoeta egiteko gonbita egiten digun gunea, gure ustez zapaldu egiten gaituen hori komunean jarrita. Eta talde prozesu bat, nortasun tradizional haragitu hori eraldatu eta jaso ditugun kultura-sinesmen, jarrera eta ohituren baliozkotasunari aurre egiteko modua ematen duena, jaso ditugun nortasun eta sinesmen horiek ez baitigute uzten gure erabakien jabe izan eta bizitza autonomo eta indarkeriarik gabeari aurre egiten.


DATAK

Eguna: Asteartea, hamabostero

14:30 - 16:00

Hasiera:

Iraupena: Ikasturte osoa

Hizkuntza: Gaztelania

Antolatzailea: Emakumeen Etxea Elkartea



INDARKERIARIK GABEKO BIZITZAREN ALDEKO EMAKUMEAK

Formatzailea: Katherine Astudillo Aillón


DESKRIBAPENA

Indarkeria matxistari aurre egiten dioten edo aurre egin izan dioten emakumeak taldean elkartzeko gunea.Astean behin biltzen dira (joatea libre da). Autolaguntza taldea da. Askatzeko hainbat modu baliatuta, indarkeriari irtenbideak bilatzen laguntzen du. Emakumeek beldurrak, isolamendua, tristeziak eta kulpak partekatzen dituzte haien artean, eta barnean duten indarrarekin konektatzen saiatzen dira, indarkeriarik gabe bizitzen laguntzeko: zer gertatzen zaien jakin, pozarekin konektatu, nork bere gorputza zaindu, desirekin duten harremana ezagutu eta taldearen laguntza jaso.

* Hitzorduarekin


DATAK

Eguna: Asteartea

16:30 - 18:30

Hasiera:

Iraupena: Ikasturte osoa

Hizkuntza: Gaztelania

Antolatzailea: Berdintasun Saila



JATORRI ASKOTARIKO EMAKUMEENTZAKO KULTURARTEKO GUNEA

Formatzailea: Tania Cañas Siriany


DESKRIBAPENA

Jatorri desberdineko emakumeak taldean egoteko gunea. Astean behin biltzen dira (joatea libre da), beren bizitzan migrazioa nola bizi duten elkarrekin aztertzeko. Zailtasunetatik ikasten dute eta sozializatzen dituzte banakakoen eta taldearen lorpenak. Osasun fisikoa eta emozionala hobetzeko eta bizi diren hirian gehiago sustraitzeko tresna nahiz baliabideak bereganatzen dituzte; isolamendutik ateratzen dira; euskal gizartea eta jatorrizko gizartea, biak, ezagutzen dituzte; elkarrekin aisialdi, dibertsio eta ezagutza ekintzetan parte hartzen dute.

* Hitzorduarekin


DATAK

Eguna: Osteguna

16:30 - 18:30

Hasiera:

Iraupena: Ikasturte osoa

Hizkuntza: Gaztelania

Antolatzailea: Kultur Aniztasun Saila



DESGAITASUNA DUTEN EMAKUMEEN AHALDUNTZE TALDEA

Formatzailea: Rosa Ugalde, ELKARTU


DESKRIBAPENA

Desgaitasuna duten emakumeak elkartzeko gunea da, norbere burua ezagutu eta aitortu ahal izateko. Desgaitasuna duten emakumeek bizi duten diskriminazio bikoitzaren egoera aztertzea du xede talde honek, ahultasunari eta desparekotasunari aurre egiteko.
Horretarako ezinbestekoa da beraien eskubideak ezagutzea eta horien gauzatzea sustatzea, norbanako eta taldeko ahalduntzea lantzeko bidean.


DATAK

Eguna: Ostirala

11:30 - 13:30

Hasiera:

Iraupena: Ikasturte osoa

Hizkuntza: Elebiduna

Antolatzailea: Berdintasun Saila



NESKA GAZTEENTZAKO JABEKUNTZA GUNEA

Formatzailea: Itsaso Cañada Peña Lahia 3.0 Sexologia eta Hezkidetza Elkarteko kidea


DESKRIBAPENA

neska gazteen gunea

Zer da?

Gune honetan feminismoarekin, diskriminazioarekin, jabekuntzarekin, harreman parekideekin lotutako gaiak lantzen dira. Gune hau jabekuntza prozesu bezala planteatzen da.

Zeini zuzendua?

15- 20 adin tarteko neska eta genero anitzeko orori.

informazio gehiago:

biluzikzerbitzua@hotmail.com helbidera idatziz.
@Lahia3.0 Instagrameko kontura idatziz.
Donostiako Emakumeen Etxearekin harremanetan jarriz.


DATAK

Eguna: Asteartea

17:30 - 19:30

Hasiera:

Iraupena: Ikasturte osoa

Hizkuntza:

Antolatzailea: Berdintasun Saila



FORMAKUNTZARAKO TAILERRAK

Gai zehatzak lantzeko gune trinkoak, non diskurtsoak sortzen ditugun eta elkar hartzen dugun,
formakuntzen bitartez elkar ahalduntzeko xedearekin.


BIZIRAUTEKO FEMINISMOA: TRESNA FEMINISTAK PANDEMIA OSTERAKO

Formatzailea: Irantzu Varela


DESKRIBAPENA

Tailer honetan proposamen feministak zainketa krisiaren eta sistemaren kolapsoaren testuinguruan kokatuko ditugu, pandemiak egoera horretan jarri baikaitu. Horretarako, feminismoaren azken mendeko proposamenak ezagutuko ditugu, proposamen teorikoetatik hasi eta praktika paradigmatiko zein abangoardistenetaraino. Ideia da feminismora bizipenetatik iristen direnak proposamen feminista teorikoetara hurbiltzea, proposamen konplexuenak eta abstraktuenak feminismoan interesa duten guztien eskura jarriko dituen mezu bat eraikiz.


DATAK

Eguna: Asteartea

18:00 - 20:00

Hasiera: otsailak 16

Iraupena: martxoak 30

Hizkuntza: Gaztelania

Antolatzailea: Emakumeen Etxea Elkartea



GAUR EGUNGO EZTABAIDAZ HITZ EGIN DEZAGUN: FEMINISMOAREN SUBJEKTU POLITIKOAZ

Formatzailea: Carmen Diez


DESKRIBAPENA

Mugimendu sozial guztiek subjektu politiko bat behar dute. Mugimendu feministaren subjektu politikoa beti aritu da handitzen, baina feminismoaren zati batek gaur egungo proposamen batzuei kezkatik begiratzen die, hain zuzen “emakumeak” garen subjektu politiko hori desegin lezaketen proposamenei. Beste aldetik, fundamentalismoek hamarkadak daramatzate “genero ideologia”-ren aurka borrokatzen eta biologia gure patua dela aldarrikatzen. Proposatzen ditugun saio hauetan hitz egiteko asko dago.


DATAK

Eguna: Osteguna

19:00 - 20:30

Hasiera: otsailak 4

Iraupena: otsailak 25

Hizkuntza: Elebiduna

Antolatzailea: Emakumeen Etxea Elkartea



AUTODEFENTSA IKASTAROAK (cast)

Formatzailea: Isa Bernal


DESKRIBAPENA

Tailer intensiboak

Otsailan (12 ordu):
Ostirala 26 16:00 - 20:00
Larunbata 27 10:00 - 14:00 / 15:00 - 19:00

Ekainan (12 ordu):
Ostirala 4 16:00 - 20:00
Larunbata 5 10:00 - 14:00 / 15:00 - 19:00


DATAK

Eguna: deskribapenean begiratu

deskribapenean begiratu

Hasiera: deskribapenean begiratu

Iraupena: Bi ikastaro 12 ordukoa bakoitza

Hizkuntza: Gaztelania

Antolatzailea: Berdintasun Saila



AUTODEFENTSA IKASTAROAK (eus)

Formatzailea: Emagin


DESKRIBAPENA

Ikasi nahi duzu eraso matxistei aurre egiten?
Kalean aske sentitu nahi duzu?
Uste duzu ezingo zarela defendatu?

Autodefentsa tailer intensiboak:

Martxoan (8 ordu)
Larunbata 20 10:00 - 20:00 / 15:00 - 19:00

Ekainan (8 ordu)
Larunbata 19 10:00 - 20:00 / 15:00 - 19:00


DATAK

Eguna: Begiratu deskribapenean

ordutegia deskribapenean

Hasiera: Begiratu deskribapenean

Iraupena: Bi ikastaro 8 ordukoa bakoitza.

Hizkuntza: Euskara

Antolatzailea: Emagin Elkartea



ZAHARTZAROA EZ OTE DA GAI FEMINISTA BAT?

Formatzailea: Mari Luz Esteban


DESKRIBAPENA

Feminismo euskaldunaren sektore handi bat zahartzen ari da baina ia ez gara hausnartzen ari, ez behitzat mugimendu bezala, indibidualki zein kolektiboki honek dakarrenaz. Saio hauetan zahartzeko esperientziaren inguruko hausnarketa kolektiboa egin nahi dugu eta baita esperientziarako nahiz praktika politikarako ekar ditzaken aldaketez eta alternatibez ere.


DATAK

Eguna: Osteguna

19:00 - 20:30

Hasiera: apirilak 29

Iraupena: maiatzak 20

Hizkuntza: elebiduna

Antolatzailea: Emakumeen Etxea Elkartea



GAKO FEMINISTAK PLAZERA POLITIZATZEKO

Formatzailea: Laura Muelas


DESKRIBAPENA

Lantegi honetan espazio bat sortuko dugu feminismoaren eta plazeraren arteko harremana eztabaidatzeko, hausnartzeko eta aztertzeko. Plazera aldarrikapen eta borroka feministen partetzat jotzen dugu, baita eraldaketa sozialerako elementu nagusitzat ere. Plazera genero, kultura eta gizarte sisteman nola txertatzen den ikusiko dugu; horretarako, ibilbide teorikoa zein praktikoa burutuko dugu, hainbat euskarrien bidez, hala nola produktu kulturalak, zinema, musika, praktika artistikoak, testuak eta beste material batzuk.


DATAK

Eguna: Osteguna

18:30 - 20:30

Hasiera: martxoak 4

Iraupena: apirilak 15

Hizkuntza: elebiduna

Antolatzailea: Emakumeen Etxea Elkartea



LABORATEGI FEMINISTA: ESKUZ ETA BAIMENIK GABE

Formatzailea: Cony Carranza
Tania Cañas


DESKRIBAPENA

Pentsamendu dekolonial eta antiarrazistaren inguruko bidaia teoriko praktikoa, pribilegioak berrikusiz eta hegemonikoa deseraikiz, muga eta desberdintasunetik aliantza feministak sortzeko. Geure buruak deskolonizatzea, gure marko teorikoak eta praktikak berrikustea prozesu bat dela uste dugu eta elkarrekin hastera gonbidatzen zaituztegu. Eskuz eta pixkanaka! Bakoitzaren estiloa jarraituz, prosaz edo poesiaz berridatziz... eta heteropatriarkatu kapitalista eta arrazistaren “baimenik gabe”; baina borroka kolektibo bihurtzen diren norbanako eraldaketek ematen duten indarrarekin.


DATAK

Eguna: Osteguna

18:30-20:30

Hasiera: otsailak 2

Iraupena: uztailak 6

Hizkuntza: gaztelania

Antolatzailea: Emakumeen Etxea Elkartea



AHANZTURA KONJURATZEN: EMAKUME FILOSOFOEN LEGATUA

Formatzailea: Marisa Hurtado


DESKRIBAPENA

Filosofia emakumeen aurkako ingurunea ez izateko ahalegina egitea da beste erronka handietako bat; horretarako, gure aurrekoak ikusaraziko ditugu eta historian eduki behar duten lekua emango diegu. Hau da tailerraren asmoa: gure aurrekari izandako pentsalariak argitara ateratzea, eta beraiengandik ikastea, nahiz eta gure hautapena txikia den.


DATAK

Eguna: Astelehena

19:00 - 20:30

Hasiera: otsailak 1

Iraupena: maiatzak 31

Hizkuntza: gaztelania

Antolatzailea: Emakumeen Etxea Elkartea



ZIENTZIA ONA: EZINEZKOA EMAKUMERIK GABE

Formatzailea: Marta Macho-Stadler


DESKRIBAPENA

Zientzia giza jarduera bat da; eta, beraz, ez dago aurreiritzietatik libre. Zientziako aktoreei buruzko estereotipoek, emakumezko erreferente faltak eta kultura patriarkalak emakume asko bultzatzen dituzte zientzia etorkizuneko aukera bezala baztertzera. Benetan garrantzitsua al da emakume gehiagok lan egitea eta lidergoa izatea arlo zientifiko teknologikoetan?


DATAK

Eguna: Astelehena

19:00-20:30

Hasiera: ekainak 7

Iraupena: uztailak 5

Hizkuntza: gaztelania

Antolatzailea: Emakumeen Etxea Elkartea



MATRAKA GUNEAK

Espazio hauek irailean irekitzen ditugu eta batzuetan,
toki libreak geldituz gero, urtarrilean ere bai.
Bertan ikasturte osoko lanketa feminista bat egiten da eta
Etxetik kanpoko proiekzioa duen talde bat sortzen da.


VENTANERAS

Formatzailea: Mertxe tranche


DESKRIBAPENA

Novisimen (mende honetan emakumeek idatzitako testuak) eta emakume idazle klasiko handien arteko bidaiari ekin dio Ventaneras ekimenak, horietako batzuk ahaztuak edo ezezagunak baitira, handiak izan arren. Aurten, gainera, egunkariak eta (auto)biografiak sartuko ditugu, idazleei leiho intimoenetatik begiratzeko.


DATAK

Eguna: Osteguna, hilabetean behin

19:00 - 21:00

Hasiera: Izen ematea itxita

Iraupena: Ikasturte osoa

Hizkuntza: Gaztelania

Antolatzailea: Berdintasun Saila



IRAKURLE ESKOLA FEMINISTA

Formatzailea: Iratxe Retolaza


DESKRIBAPENA

Irakurle talde honetan ahalduntze eta kontzientziatze feministan sakonduko dugu, betiere ardatz hartuta pentsamendu kokatua eta gorpuztua. Horretarako, sorturiko galderak, kezkak, giltzarriak eta diskurtsoak eztabaidatuko ditugu, esperientzia eta pentsamendu feminista batetik. Askotariko irakurgaietatik abiatuko gara (testu solteak, artikuluak, liburuak…) eta trukerako gune bat sortzea izango dugu helburu, pentsamendu kolektiboa sustatzeko asmoz, eta Euskal Herriari zein euskal kulturari buruzko pentsamendu kritiko-feminista garatzeko.


DATAK

Eguna: asteartea, hilabetean behin

19:00 - 20:30

Hasiera: Izen ematea itxita

Iraupena: Ikasturte osoa

Hizkuntza: Euskara

Antolatzailea: Emakumeen Etxea Elkartea



AFEKTU-GOSEAK EUSKAL LITERATURA GARAIKIDEAN

Formatzailea: Iratxe Retolaza


DESKRIBAPENA

Azken aldian afektu-goseen, afektu-minen eta afektu-sareen inguruko literatur lan ugari argitaratu dira, guztietan ere harreman pertsonalek zein nortasun-sareek indar berezia hartuz. Irakurle-talde honetan afektuen inguruko literatur lanak izango ditugu hizpide, betiere genero-ikuspegiak afektu-sare horiek nola zeharkatzen dituen aztertzeko asmoz. Galdera hauetariko zenbait erantzuten ahaleginduko gara irakurketa-talde honetan: zein afektu-sare eta afektu-ardatz irudikatu dira euskal literatura garaikidean? Afektu-sare eta afektu-ardatz horiek zer genero-ikuspegi irudikatu dituzte? Afektu-sare eta afektu-ardatz horiek irudikatzean, nolako proposamen feministak egin dira? Irakurleok nola eraikitzen dugu geure afektu-ardatzen eta pertsonaiaren afektu-ardatzen arteko harremana?

momentuz, soilik itxaron zerrenda irekiko da


DATAK

Eguna: Asteartea, hilabetean behein

19:00 - 21:00

Hasiera: momentuz, soilik itxaron zerrenda irekiko da

Iraupena: Ikasturte osoa

Hizkuntza: Euskara

Antolatzailea: Berdintasun Saila



PARLERAS 1

Formatzailea: Mertxe Tranche


DESKRIBAPENA

Emakumeen literaturako bidaia infinitua izan daiteke, eta halaxe da, izan; baina, infinitua gure esku ez dagoenez, bi urteko ibilaldi bat egitea proposatzen dizuegu, gainerako bidean aurrera egiteko tresnak emango dizkizuen ibilaldia. Ingalaterrako emakume klasikoak bisitatuko ditugu, Parisera erbesteratutako amerikarrak, modernismoko emakumeak eta Harlemeko errenazimentukoak, besteak beste. Eta liburuez hitz egingo dugu, horixe egiten dute Parlerek eta.

PARLERAS 1

Oraindik era honetako beste lantegi batzuetan parte hartu ez eta emakumeen literaturarekin bi urteko konpromisoa hartu nahi duten emakumeentzat pentsatua.


DATAK

Eguna: Asteartea, hilabetean behin

19:00 - 21:00

Hasiera: Izen ematea itxita

Iraupena: Ikasturte osoa

Hizkuntza: Gaztelania

Antolatzailea: Berdintasun Saila



PARLERAS 2

Formatzailea: Mertxe Tranche


DESKRIBAPENA

Emakumeen literaturako bidaia infinitua izan daiteke, eta halaxe da, izan; baina, infinitua gure esku ez dagoenez, bi urteko ibilaldi bat egitea proposatzen dizuegu, gainerako bidean aurrera egiteko tresnak emango dizkizuen ibilaldia. Ingalaterrako emakume klasikoak bisitatuko ditugu, Parisera erbesteratutako amerikarrak, modernismoko emakumeak eta Harlemeko errenazimentukoak, besteak beste. Eta liburuez hitz egingo dugu, horixe egiten dute Parlerek eta.

PARLERAS 2

Aurten, Prekuelan parte hartu edo lehen ere beste literatura lantegiren batean aritu diren emakumeentzat izango da ikastaroa.


DATAK

Eguna: Asteartea, hilabetean behin

19:00 - 21:00

Hasiera: Izen ematea itxita

Iraupena: Ikasturte osoa

Hizkuntza: Gaztelania

Antolatzailea: Berdintasun Saila



ANTZERKI LABORATEGI FEMINISTA

Formatzailea: Aitziber Eguskiza


DESKRIBAPENA

Zure gorputzarekin gozatzeko gune bat, heteropatriarkatuaren zirrikituak salatzeko gunea. Gorputza eta sentsibilitatea erdigunean, apenas hitzik gabeko entzumena garatuko dugu. Estereotipo matxista guztiak dantzan jartzeko gunea sortuko dugu, ahizpatasunaren, plazeraren eta konexioaren bidez, sormenaren izenean.


DATAK

Eguna: Azteazkena

18:30-20:00

Hasiera: Izen ematea itxita

Iraupena: Ikasturte osoa

Hizkuntza: Elebiduna

Antolatzailea: Emakumeen Etxea Elkartea



BATUKADA FEMINIOSTA

Formatzailea: Arantxa Vicedo eta Ainara Sarasketa


DESKRIBAPENA

Ikastaroaren helburuak emakumeon arteko harremanak eta elkartasuna sustatzea, musikaz gozatu eta gozaraztea, eta irudimena eta sormena garatzea dira, besteak beste. Horrez gain, auto-garapena eta taldekako jabetzea bultzatzea, emakumeok kulturan dugun parte hartzea indartzea, eta emakumeok nahiz feministok ikusiak eta entzunak izatea esparru publikoan.

momentuz,soilik itxaron zerrenda irekiko da.


DATAK

Eguna: Asteazkena

18:30-20:30

Hasiera: momentuz, soilik itxaron zerrenda irekiko da

Iraupena: Ikasturte osoa

Hizkuntza: Elebiduna

Antolatzailea: Emakumeen Etxea Elkartea



XAKE

Formatzailea: Eli Agirre eta Leire Kruz


DESKRIBAPENA

Kirola eta lehiaketa interesatzen zaizkizu? Xakean estrategiarekin jokatzen ikasi nahi duzu? Eman izena xakea gustuko baduzu, zure teknika hobetzeko praktikatu nahi baduzu edo zerotik ikasi nahi baduzu eta lehiaketa gustatzen bazaizu. Donostiako Emakumeen Etxeak urteak daramatza Gipuzkoako Emakumeen Xake Txapelketa antolatzen eta emakume gehiago nahi ditugu gure artean, beraz, zure zain gaude.


DATAK

Eguna: Izen ematea itxita

Izen ematea itxita

Hasiera: Izen ematea itxita

Iraupena: Ikasturte osoa

Hizkuntza:

Antolatzailea: Emakumeen Etxea Elkartea



EDERLEZI ABESBATZA

Formatzailea: Bettina Aragon


DESKRIBAPENA

Donostiako Emakumeen Etxeko abesbatzak, Ederlezik, 4 urte daramatza dagoeneko gorputzaren bidez eta taldeko kantuaren lan kolektiboaren bidez ahalduntzea lantzen. Eta, ikasturte berri honetan, ateak berriro irekiko ditu emakume berriak hartzeko, zeinak kantuan eskarmentua izanik beste leku batetik landu nahi duten.


DATAK

Eguna: Ostirala

19:30 - 21:00

Hasiera: Izen ematea itxita

Iraupena: Ikasturte osoa

Hizkuntza: Gaztelania

Antolatzailea: Emakumeen Etxea Elkartea



CLOWN

Formatzailea: Beatriz Egizabal


DESKRIBAPENA

Sudurrean gorria eta gorputzean irria !
Barre egiten badakizu, ziur. Jolasten ere bai. Eta egin ere egingo duzu edo, behar bada, aspaldi ez duzu egiten. Clown tailerrean hori behintzat aurkituko duzu: jolasa, irribarrea eta tarteka algarak. Horrekin batera, porrotaren aurrean zure jarrerak ere aldaketaren bat izango du, eta dena emakumez inguratuta. Gurekin jolastu nahi?


DATAK

Eguna: Astelehena

18:15 - 20:15

Hasiera: Izen ematea itxita

Iraupena: Ikasturte osoa

Hizkuntza: Elebiduna

Antolatzailea: Emakumeen Etxea Elkartea



Kontuan hartu beharreko oharrak:

  • Ikastaroetan izen-ematea: urtarrilaren 11tik 24ra egingo da.
  • Ikastaroak dohakoak dira
  • Pertsona bakoitzak gehienez hiru ikastarotan eman ahal izango du izena.
  • Ikastaroa hasi eta gero utzi nahi dutenek, Etxeko koordinatzaileei jakinarazi beharko diete. Hiru saiotan kale egiten duenak -justifikatu gabe-, ezingo du ikastaro gehiagotan parte hartu urtebeteko epean.

Izen-ematea

Webgune honek erabiltzailearen nabigazioa errazteko eta bisitarien informazio estatistikoa lortzeko cookie-ak erabilten ditu. Nabigatzen jarraitzen baduzu, hauen erabilera onartzen duzula ulertuko dugu. Lege oharra. ONARTU